لاہور (سپورٹس رپورٹر+نمائندہ سپورٹس) دسویں ایشیا کپ ہاکی ٹورنامنٹ میں پاکستان اور بھارت کے درمیان اہم ترین میچ آج کھیلا جائیگا۔ پاکستان ٹیم کے ہیڈ کوچ فرحت خان کا کہنا تھا کہ پاکستان ٹیم کے کھلاڑیوں کو بھارت کے خلاف اہم میچ میں کامیابی کے لیے سخت محنت کرنا ہوگی۔ فارورڈ لائن کو آل آ¶ٹ جانا ہوگا۔ فائنل تک رسائی کیلئے پاکستان ٹیم کو بھارت کے خلاف صرف کامیابی نہیں بلکہ تین گول کے مارجن سے جیتنا ہوگا۔ ان کا کہنا تھا کہ ابھی تک میں فارورڈ کھلاڑیوں کے کھیل سے مطمئن نہیں ہوں۔ بھارت کے خلاف پہلے مرحلے کے میچ میں ہمارے کھلاڑیوں نے اوپن چانسز کے گول مس کیے۔