لاہور(نمائندہ سپورٹس +سپورٹس رپورٹر) سابق کپتان مصباح الحق کی جانب سے کرکٹرز کو پچ سازی کی تربیت دینے کی تجویز سامنے آگئی۔سابق کپتان معین خان نے کہا ہے کہ مجموعی طور پر کرکٹ کی بہتری کیلئے اقدامات اٹھائے جارہے ہیں ، گراﺅنڈزکے حوالے سے کمزوریاں سامنے آرہی ہیں۔ خاص طور پر پچز کے معاملے میں بہت سے مسائل سامنے آرہے ہیں۔
، ایک انٹرویو میں انھوں نے کہا کہ کیوریٹرز کی تنخواہیں بہت کم ہیں، چند ایک تو معاشی مشکلات پر قابو پانے کیلئے دوسری نوکری بھی کرنے پر مجبور ہیں۔اقبال قاسم نے کہا کہ کرکٹرز پچز کے حوالے سے مسائل جانتے اور اپنے تجربے کی بناپر بہتر پلاننگ کرسکتے ہیں، وقت آگیا ہے کہ کرکٹ کا عملی تجربہ رکھنے والے کھلاڑی اس شعبے میں آئیں۔ ان کو پچ سازی کی ٹریننگ دینے سے پاکستان کرکٹ کے مسائل میں کمی آسکتی ہے۔یاد رہے کہ قائد اعظم ٹرافی میں وکٹوں کی جھڑی لگنے پرسابق کپتان مصباح نے ناہموار پچز کو ہدف تنقید بنایا تھا۔