امریکی وزیرخارجہ ریکس ٹلرسن ایشیااوریورپ کے 8 روزہ دورے پرروانہ. امریکی وزیرخارجہ پاکستان،بھارت،قطر اورسوئٹزرلینڈکادورہ بھی کریں گے.میڈیا رپورٹس کے مطابق امریکی وزیر خارجہ ریکس ٹلرسن ایشیا اور یورپ کے 8 روزہ دورے پر روانہ ہو گئے.پہلے روز سعودی عرب پہنچے جہاں انہوں نے عراقی اور سعودی حکام کی رابطہ کونسل میٹنگ میں شرکت کی انہوں نے سعودی فرمانروا شاہ سلمان اور دیگر اعلیٰ عہدیداروں سے بھی ملاقاتیں کی جس میں سعودی قطر تنازع اور خطے کی صورتحال پر بات چیت کی گئی.ریکس ٹلرسن اسلام آباد کے دورے کے دوران وزیراعظم شاہد خاقان عباسی اورآرمی چیف جنرل قمر جاوید باجوہ سے بھی ملاقات کریں گے .