ایشین ہاکی چیمپئن ٹرافی : بھارت نے پاکستان کو 3-1سے ہرادیا

لاہور(نمائندہ سپورٹس) ملائیشیا میں جاری ایشین ہاکی چیمپئن ٹرافی ٹورنامنٹ کے میچ میں بھارت نے پاکستان کو ایک کے مقابلے میں تین گول سے شکست دیدی ۔ پاکستان کی طرف سے واحد گول محمدعرفان جونیئر نے کیا اور گرین شرٹس کو سبقت دلائی مگر بعد میں قومی ٹیم تسلسل کو برقرار نہ رکھ سکی‘ٹیم پنالٹی کارنرز سے بھی فائدہ نہ اٹھاسکی ۔ بھارت کی طرف سے من پریت سنگھ‘من دیپ سنگھ اور دل پریت سنگھ نے ایک ایک گول کیا ۔ ہاف ٹائم تک مقابلہ ایک ایک گول سے برابر تھا ۔ ایک اور میچ میں جاپان نے جنوبی کوریا کو صفر کے مقابلے میں دو گول سے ہر ادیا ۔