امریکی اداکارہ جینفر اینسٹن کی انسٹا گرام پر ریکارڈ ساز انٹری‘ سب سے زیادہ ڈیبیو فالورز پر نام گینز بک میں شامل

نیویارک (نیٹ نیوز) معروف امریکی اداکار و فلم ساز جینیفر انیسٹن نے انسٹا گرام پر ڈیبیو کرتے ہی عالمی ریکارڈ توڑ دیا۔ اداکارہ نے چند روز قبل انسٹا گرام پر اپنا اکاؤنٹ بنایا اور اس پر اپنے ساتھی اداکار و اداکاراؤں کے ساتھ ایک تصویر بھی شیئر کی۔ جینیفر انیسٹن کی انسٹا گرام پر انٹری کی خبر ان کے مداحوں میں آگ کی طرح پھیل گئی اور صرف 5 گھنٹے 16 منٹ میں ہی ان کو فالو کرنے والوں کی تعداد 10 لاکھ تک جا پہنچی اور اس تعداد نے انسٹا گرام پر سب سے زیادہ تیزی سے ایک ملین فالوورز تک پہنچنے کا عالمی ریکارڈ توڑ دیا۔ اداکارہ نے شہزادہ بیری اور میگھن مارکل کے اکاؤنٹ کا ریکارڈ توڑا، جنہوں نے گزشتہ برس انسٹا گرام پر ڈیبیو دیتے ہی 5 گھنٹے اور 45 منٹ میں 10 لاکھ فالوورز حاصل کئے تھے۔ گینیز ورلڈ ریکارڈ کی جانب سے اعلان کیا گیا کہ جینیفر انیسٹن انسٹا گرام پر آتے ہی سب سے زیادہ فالوورز حاصل کرنے والی شخصیت بن گئی ہیں۔