تربیلا(نامہ نگار)تحصیل غازی کے موضع گھاڈہ میں ٹریکٹر کی ٹرالی میں ریت لوڈ کرنے دوران ریت کا تودا گر گیا جس کے نیتجہ میں تین مزدور مجاہد علی ،محمد علی اور امانت سکنہ ترمن دب گئے۔ امدادی کارروا ئیوں کے ذریعے تینوں مزدوروں کوتودے کے نیچے سے نکال لیا گیا۔ لیکن مجاہد علی جانبر نہ ہو سکا جبکہ دیگر مزدور محمد علی اور امانت شدید زخمی ہو گئے ہیں۔ نعش اور دو نوں مزدوروں کوشدید زخمی حالت میں تحصیل ہیڈ کوارٹر ہسپتال غازی لایا گیا ہے ۔