۔اے سی خیر پور ٹامیوالی کا عملہ ریونیو کے ہمراہ مختلف مواضعات کا دورہ ٗ حدبندی چیک کی

خیرپورٹامیوالی(خبرنگار)سینئر ممبر بورڈ آف ریونیو پنجاب کی ہدایت پر اسسٹنٹ کمشنر رانا محمد شعیب نے عملہ ریونیو نائب تحصیلدار سید حسنین طاہر شاہ حلقہ پٹواری رانا محمد سلیم ،غلام قادر اور دیگر کے ہمراہ تحصیل خیرپور کے مختلف مواضعات کے سرحدے کا وزٹ کیا جہاں پر نصب شدہ پتھر لائن کو چیک کیا تاکہ کوئی بھی زمیندار زمین کی پیمائش میں ردوبدل نہ کرے بلکہ پتھر لائن کے مطابق اپنی زمینوں کی پیمائش کریں۔ اسسٹنٹ کمشنر رانا محمد شعیب نے واضح کیا کہ تمام رقبہ جات کی پیمائش پتھر لائن کے مطابق کی جائے اس میں کسی قسم کی کوتاہی برداشت نہیں کی جائیگی۔