لاہور(لیڈ ی رپورٹر) سمن آباد کالج برائے خواتین کی پرنسپل پروفیسر ڈاکٹر حلیمہ ناز آفریدی نے کہا کہ نبی کریم ؐ تمام جہانوں کیلئے رحمت بن کر آئے، طالبات اسوہ حسنہ پر عمل کو شعار بنائیں اور شکر کی عادت اپنائیں، دوسروں کو معاف کرنا سیکھیں۔ وہ گزشتہ روز شعبہ اسلامیات کے زیراہتمام منعقدہ محفل میلاد سے خطاب کررہی تھیں۔ اس موقع پر صدر شعبہ اسلامیات بشریٰ صلاح الدین، سابق صدر شعبہ اسلامیات نغمانہ ظفر، سابق وائس پرنسپل ڈاکٹر روحی اعجازودیگر فیکلٹی ممبران موجود تھیں۔