سابق امریکی صدر ڈونلڈ ٹرمپ نے اپنے سوشل نیٹ ورکنگ پلیٹ فارم ٹروتھ سوشل کو لانچ کرنے کے منصوبے کا اعلان کر دیا ہے ۔ توقع کی جا رہی ہے بیٹا لانچ آئندہ ماہ شروع کیا جائے گا۔ بھارتی ذرائع ابلاغ کے مطابق اس پلیٹ فارم کی ملکیت ٹرمپ میڈیا اینڈ ٹیکنالوجی گروپ (ٹی ایم ٹی جی) کی ہوگی جو کہ ڈیمانڈ سروس پر سبسکرپشن وڈیو بھی لانچ کرنے کا ارادہ رکھتی ہے جس میںنان ووک تفریحی پروگرامنگ شامل ہوگی۔ ڈونلڈ ٹرمپ نے کہا انہوں نے بڑی ٹیکنالوجی کمپنیوں کے ظلم کے سامنے کھڑے ہونے کے لیے ٹروتھ سوشل اور ٹی ایم ٹی جی بنایا ہے، انہوں نے کہا ہے کہ ہم ایسی دنیا میں رہتے ہیں جہاں طالبان کو ٹویٹر کے استعمال کی آزادی رہی لیکن امریکی صدر کو ٹویٹر کے استعمال پر باپندی کاسامنا کر نا پڑا۔