وزیراعظم عمران خان نے کہا ہے کہ چشمہ رائٹ بینک کینال کی تعمیر سماجی و معاشی ترقی کیلئے ایک حقیقی گیم چینجر ثابت ہوگی۔وزیراعظم کی زیر صدارت خیبرپختونخوا میں زراعت اور ترقیاتی منصوبوں سے متعلق اجلاس ہوا جس میں چشمہ رائٹ بینک کینال منصوبے کا بھی جائزہ لیاگیا۔وزیراعظم نے کہا کہ چشمہ رائٹ بینک کینال پروجیکٹ حقیقی گیم چینجرثابت ہوگی ،منصوبہ کے پی میں 3 لاکھ ایکڑبنجرزمین کوسیراب کریگا ،منصوبہ خطے میں غذائی تحفظ کویقینی بنائیگا۔وزیراعظم نے حکام کو کارپوریٹ فارمنگ کو فروغ دینے کیلیے موثر اقدامات کی ہدایت کرتے ہوئے کہا کہ منصوبے سے کسانوں کی آمدنی میں اضافہ اور غربت کاخاتمہ ہوگا۔وزیراعظم نے امید ظاہر کی کہ اچھی تعلیم، صحت اور دیگرسہولتوں کو یقینی بنانے میں مددملے گی ہمیں قدرتی وسائل کی صلاحیتوں سے استفادہ کرنیکی ضرورت ہے۔