کالاباغ روڈ پر اے سی ٹائم اور ویگن میں حادثہ پیش آیا‘ یوسف‘ عرفان‘ کامران دم توڑ گئے

میانوالی‘ موچھ (نمائندہ نوائے وقت+ نامہ نگاران) کالاباغ روڈ پر حادثہ، بہن بھائی سمیت 3 افراد جاں بحق، 7 افراد شدید زخمی ہوگئے۔ مرنے والوں میں 14 سالہ ثوبیہ دختر غلام محمد اور اس کا بھائی عرفان ولد غلام محمد‘ کامران ولد ثناء حیدر تھے۔ تفصیلات کے مطابق گزشتہ روز میانوالی بنوں روڈ پر سوانس موڑ کے قریب اے سی ٹائم رانا جہانزیب ٹرانسپورٹ کمپنی اور مسافر ویگن میں تصادم ہوا جس میں ثوبیہ دختر غلام محمد عمر14 سال سکنہ قائد آباد اور عرفان ولد غلام محمد موقع پر جاں بحق ہو گئے۔ جب کہ یوسف ولد یٰسین، شمیم زوجہ غلام محمد سکنہ قائد آباد، معید ولد عبدالرؤف، عرفان ولد مہر خان سکنہ پائی خیل، ثناء اللہ ولد محمد شفیع سکنہ پکی شاہ مردان، جمشید ولد نور خان سکنہ کالاباغ اور شاہد ولد اقبال سکنہ بھکر زخمی ہو گئے ہیں۔ حادثہ تیز رفتاری کے باعث پیش آیا، ریسکیو 1122 کی ٹیمیں اطلاع ملتے ہی موقع پر پہنچ گئیں۔ ریسکیو ٹیم  نے زخمیوں کو ہسپتال منتقل کر دیا۔
حادثہ