حافظ آباد(نمائندہ نوائے وقت+نمائندہ خصوصی+ نامہ نگار)اہلسنت کے ممتا زعالم دین مولانا احمد حسن چشتی نے یہاں ڈھینگرانوالی میں عظیم الشان محفل میلاد سے خطاب کرتے ہوئے کہا کہ حضور نبی کریمؐ کی دنیا میں آمد سے انسانیت کے مقدر جگمگا اٹھے ۔ آپ سے کی ولادت سے تاریکیاں اور اندھیرے ہمیشہ کے لئے چھٹ گئے۔ انسانیت اپنے مقدرپر ناز کرنے لگی۔تقریب کی صدارت علامہ مولانا حکیم عبدالمجید نے کی ۔ اس موقع پر ممتاز عالم دین علامہ ابوبکر کیلانی کو شادی پرمبارکباد بھی دی گئی ۔