روہیلانوالی شہر ، نواحی علاقے  سوئی گیس سے محروم

ماہڑہ شہر (نامہ نگار) ہزاروں آبادی پر مشتمل روہیلانوالی شہر کے نواحی محلہ جات منصورہ آباد , پولی والا , مشتاق کالونی , سوئی گیس کی سہولت سے محروم , آخری سروے پیپلز پارٹی دور میں ہوا تھا اس کے بعد کوئی بھی منتخب نمائندہ سوئی گیس نہ دلوا سکا صرف سفارش کی بنیاد پر ایک دو محلہ جات مستفید ہوئے شہریوں حاجی سید مختیار حسین شاہ , منور حسین شاہ , سید اسماعیل شاہ , محمد احسن اختر , رانا راشد , عرفان منور , جام عباس , جام فدا , جام اشرف مونا , رانا غلام معاویہ , رانا اشرف و دیگر نے میڈیا سے گفتگو کرتے ہوئے سوئی گیس دلوانے کا مطالبہ کیا ہے۔
میلسی:کالونی روڈ پر کھڑی سیوریج لائنز کلیئرکرنے والی دو مشینیں ہٹانے کا مطالبہ
میلسی(نامہ نگار،تحصیل رپورٹر)کالونی روڈ پر سیوریج لائز کی صفائی کرنے والی دو وینگچن مشینیں کافی عرصہ سے بیکار کھڑی ہیں ان سے کوئی کام نہیں لیا جا رہا کالونی روڈ مصروف شاہراہ ہونے کی وجہ سے اس سڑک پر رش رہتا ہے جس کی وجہ سے یہ مشینیں ٹریفک کی روانی اور حادثات کا باعث بن رہی ہیں شہریوں نے مطالبہ کیا ہے کہ سڑک کے درمیان کھڑی ان مشینوں کو وہاں سے ہٹھایا جائے۔