لاکھوں افراد آج نواز شریف کیلئے دیدہ و دل فرش راہ کرینگے :اقبال گجر 

گوجرانوالہ(نمائندہ خصوصی) مسلم لیگ ن کے راہنماﺅں سابق ارکان صوبائی اسمبلی چوہدری اقبال گجر ،حاجی عبدالرﺅف مغل ،پیر غلام فرید سابق وفاقی پارلیمانی سیکرٹری شازیہ فرید و دیگرنے کہا ہے کہ لاکھوں افرادآج نواز شریف کیلئے دیدہ و دل فرش راہ کرینگے ،مینار پاکستان پر انسانوں کا ٹھاٹھیں مارتا سمندر قائد مسلم لیگ ن کا استقبال کرے گا، ان خیالات کا اظہار انہوں نے اپنے ایک بیان میں کیا انہوں نے کہا کہ میاں نواز شریف پاکستانی عوام کے لئے نجات دہندہ بن کر واپس آرہے ہیں ،ان شاءاللہ انکی قیادت میں پاکستان مشکلات اور مصائب کے بھنور سے باہر نکل آئے گا، انہوں نے کہا کہ میاں نواز شریف کا آج والہانہ استقبال دیکھ کر مخالفین کی آنکھیں چندھیا جائیں گی۔