گوجرانوالہ(نمائندہ خصوصی)صدر حلقہ خواتین جماعت اسلامی گوجرانوالہ تہمینہ عارف نے کہا ہے کہ دنیا وآخرت میں کامیابی کیلئے قرآن کے احکامات پر عمل کرنا ضروری ہے، قرآن ہمیں زندگی گزارنے کے بہترین اسلوب فراہم کرتا ہے ضرورت اس امر کی ہے کہ ہم قرآن سے اپنا تعلق مضبوط بنائیں،ان خیالات کا اظہار انہوں نے نرسری میں اراکین جماعت اسلامی، حلقہ خواتین ضلع گوجرانوالہ کے سہ ماہی اجلاس سے خطاب کرتے ہوئے کیا، اجلاس میں رکن جماعت فائزہ افضل، نائب صدر نازیہ عبدالستار، سابقہ ناظمہ ضلع حمیرا عزیز اور نگران نشرواشاعت قدسیہ شاہین ، نازیہ عبدالستارنے بھی خطاب کیا۔اجلاس میں اسرائیلی بربریت کے حوالے سے مذمتی قرار داد پیش کی گئی اور مطالبہ کیاگیا کہ اقوام متحدہ فلسطین میں عرصہ دراز سے جاری ظلم و ستم کی روک تھام میں منصفانہ کردار کرے۔