سعودی عرب نے ہمیشہ مشکل وقت میں پاکستان کا ساتھ دیا:رانا آصف 

شیخوپورہ (نمائندہ خصوصی)مسلم لیگ (ن) کے سینئر رہنما و سابق یوسی چیئرمین رانا آصف آف سیکھم نے کہا ہے کہ سعودی عرب پاکستان کا دیرینہ دوست ہیں جس نے ہمیشہ مشکل وقت میں پاکستان کا ساتھ دیا اور اب بھی اربوں ڈالر کی سرمایہ کاری کے ذریعے پاکستان کی معیشت کو سہارا دیا ہے جس پر پاکستانی قوم سعودی حکومت اور عوام کی شکر گزار ہے، اب (ن) لیگ کے صدر نواز شریف اور وزیراعظم پاکستان میاں شہباز شریف کی قیادت میں ملک کو ترقی و خوشحالی کی راہ پر گامزن کرنے میں کوئی کسر اٹھا نہ رکھی جائے گی ان خیالات کااظہارانہوں نے گائوں سیکھم میں معززین سے گفتگو کے دوران کیا۔ رانا آصف نے کہاکہ حکومتی اقدامات کے ثمرات میسر آنا شروع ہوگئے ہیں چند سازشی عناصرمسلسل حکومت کے خلاف سازشوں میں مصروف ہیں انہیں اپنے مذموم مقاصدمیں کسی بھی صورت کامیابی نہیں ملے گی ۔