نوشہرہ ورکاں (نمائندہ نوائے وقت) کسان کارڈ سے کسانوں کو ڈیوائس والے رجسٹرڈ ڈیلر سے کھاد وغیرہ ملنا کل سے شروع ہو جائے گی اس سلسلے میں مقررہ ڈیلرز کو بینک آف پنجاب اور محکمہ زراعت کی طرف سے پی او ایس مشینیں دی گئیں تقریب سے خطاب کرتے ہوئے اسسٹنٹ ڈائریکٹر زراعت محمد یوسف چوہدری نے بتایا کہ یہ ڈیوائسز 22 اکتوبر سے قابل استعمال ہونگی کسان بھائی اپنے کسان کارڈ سے گندم کی فصل کے لئے کھاد بیج اور زرعی ادویات سرکاری ریٹس پر حاصل کر سکیں گے مہمان خصوصی اسسٹنٹ کمشنر محمد نوید حیدر نے ڈیلرز کو ہدایت کی کہ وہ کسان بھائیوں کی بیج کھاد اور زرعی ادویات کی خرید میں مکمل راہنمائی کریں اور کسی قسم کی شکایت کا موقع نہ دیں حکومت کسانوں کو گندم کی بہتر فصل حاصل کرنے کے لئے بلا سود زرعی قرضے فراہم کر رہی ہے جس کا مقصد زراعت میں خود کفالت ہے اس کے علاؤہ کسان کارڈ سے زمینداروں کو آڑھتی اور مڈل مین کے چنگل سے آزادی ملے گی اور ان کی مالی حالت بہتر ہو گی۔