اورنج لائن سٹیشن پر خواتین سے نازیبا حرکات کرنیوالا اوباش گرفتار

 لاہور(نامہ نگار)سمن آباد کے علاقے میں ڈولفن سکواڈ پولیس نے اورنج لائن سٹیشن پر خواتین سے نازیبا حرکات کرنیوالے اوباش نوجوان کو گرفتار کرلیاہے۔ترجمان ڈولفن سکواڈ کے مطابق ڈولفن سکواڈ نے انٹیلی جنس بیسڈ کارروائی کرکے اورنج لائن سٹیشن پر خواتین سے نازیبا حرکات کرنیوالے اوباش نوجوانوں صابر کوگرفتار کرلیاہے۔ملزم اورنج لائن سٹیشن پر آنے جانے والی خواتین سے لفٹ میں نازیبا حرکات کررہا تھا جبکہ سی سی ٹی وی کیمرہ فوٹیج میں بھی دیکھا جاسکتا ہے کہ ملزم صابر خاتون سے نازیبا حرکات کررہا ہے۔اورنج لائن سکیورٹی انچارج نے ڈولفن ٹیم کو ملزم کے متعلق آگاہ کیا تھا۔ملزم روزانہ مختلف سٹیشنز پر خواتین کو ہراساں کرتا تھا۔ملزم صابر کو تھانہ ملت پارک پولیس کے حوالے کردیا گیا ہے۔ایس پی ڈولفن کا کہنا ہے کہ خواتین کو ہراساں کرنیوالے کسی رعایت کے مستحق نہیں،ان کیخلاف سخت کارروائی ہوگی۔