فیروزوالہ( نامہ نگار )ڈکیتی، راہزنی اور چوری کی متعدد وارداتوں کے دوران ڈاکووں نے تاجر سمیت متعدد افراد کو لوٹ لیا۔ ڈاکو لاکھوں روپے کی رقم، زیورات اور دیگر قیمتی سامان لوٹ کر لے گئے۔ڈکیتی کی بڑھتی ہوئی وارداتوں پر شہریوں کا احتجاج متاثرہ افراد نے روڈ بلاک کر کے نعرہ بازی کی۔ وارداتوں کا سد باب کرنے کا مطالبہ کیا ۔ناتجربہ کار پولیس افسران کو فوری معطل کیا جائے۔ لاہور روڈ پرخان پور میں نقاب پوش ڈاکو تاجر محمد حسین کے گھر داخل ہو کر اہل خانہ کو کمرے میں بند کر کے 10 لاکھ روپے کی رقم اور 20 لاکھ روپے مالیت کے زیورات دیگر قیمتی سامان لوٹ کر لے گئے۔شرقپور روڈ پر برج اٹاری کے قریب موٹر سائیکل سوار ڈاکوگن پوائنٹ  پر دکاندار امین کو جان سے مار دینے کی دھمکی دے کر ساڑھے تین لاکھ نقدی اور موبائل چھین کر لے گئے۔ ڈاکو جنرل سٹور میں داخل ہو کر مالک کو جان سے مار دینے کی دھمکی دیکر نقدی چھین کر فرار ہو گئے۔ڈاکو رانا ٹاؤن کے قریب موٹرسائیکل سوار میاں بیوی سے نقدی موبائل چھین کر لے گئے۔ کوٹ عبدالمالک کے قریب ڈاکو عابد علی سے نقدی اور موبائل چھین کر لے گئے۔شرقپور روڈ پر ڈاکو ئوںنے ناکہ لگا کر متعدد راہگیروں کو لوٹ لیا۔ ڈاکو 6 موبائل، نقدی اور دیگر سامان چھین کرفرار ہو گئے۔