ایمرجنگ ایشیا ٹی ٹونٹی کپ ‘پاکستان ‘اومان ‘بھارت ‘امارات آج مد مقابل

لاہور(سپورٹس رپورٹر)اومان میںجاری ایمرجنگ ایشیا ٹی ٹونٹی کپ میں افغانستان اے نے بنگلہ دیش اے کو شکست دیدی ۔ بنگلہ دیش اے نے 4وکٹوں پر 164رنز بنائے ۔۔ افغانستان اے نے ہدف چھ وکٹوں پرپوراکرلیا ۔مین آف دی میچ صدیق اللہ اتل نے ناقابل شکست 95رنز بنائے ۔سری لنکا اے نے ہانگ کانگ کو42رنز سے ہرا دیا ۔ سری لنکا اے نے 5وکٹوںپر178رنز بنائے ۔  ہانگ کانگ کی ٹیم 7وکٹوں 136رنزبناسکی  ۔ یشودھا لنکا کو میچ کا بہترین کھلاڑی قرار دیا گیا ۔ پاکستان شاہینز آج میزبان اومان کا مقابلہ کرینگے ۔میچ دن 2بجے شروع ہوگا۔ شاہینز کو پہلے میچ میں بھارت اے سے شکست ہوئی تھی ۔ دوسرا میچ بھارت اے اور متحدہ عرب امارات اے ٹیموں کے درمیان شام ساڑے چھ بجے شروع ہوگا۔