انڈر 19 ویمنز ٹی ٹونٹی ٹورنامنٹ چیلنجرز ‘ کانکرز کی کامیابی

لاہور(سپورٹس رپورٹر) انڈر ویمنز ٹی ٹونٹی ٹورنامنٹ میں چیلنجرز اور کانکرز نے میچز جیت لیے۔پہلے میچ میں چیلنجرز نے انونسیبلز کو 28 رنز سے ہرادیا۔چیلنجرز نے 5 وکٹوں پر 96 رنز بنائے۔ایشا تیر رضیہ 20 رنز کیساتھ ٹاپ سکورر رہیں۔ انونسیبلز 68 رنز بناکر آؤٹ ہوگئی۔واصفہ حسین نے 14 رنز بنائے۔علیسا مختیار نے 3 وکٹیں حاصل کیں اور پلیئر آف دی میچ قرار پائیں۔دوسرے میچ میں کانکرز نے سٹارز کو 98  رنز سے شکست دیدی۔کانکررز نے 6 وکٹوں پر 168 رنز بنائے۔کومل خان نے 59گیندوں پر 97 رنز بنائے۔ماہ نور زیب اور میمونہ خالد نے دو دو وکٹیں حاصل کیں۔سٹارز کی ٹیم جواب میں9  وکٹوں  پر 70 رنز بناپائی۔فضا فیض نے 19 رنز بنائے۔ مناہل جاوید نے 3 وکٹیں حاصل کیں۔کومل خان پلیئر آف دی میچ قرار پائیں۔