قصور:    2 موٹر سائیکلوں میں  تصادم   ‘ باپ‘     2 بیٹے جاں بحق‘ ماں زخمی

قصور (نمائندہ نوائے وقت) قصور میں تھانہ کھڈیاں کی حدود دھالہ کلاں کے قریب دو موٹر سائیکلوں کے درمیان تصادم کے نتیجے میں تین افراد جاں بحق ہو گئے جبکہ ایک خاتون شدید زخمی ہوئی۔ امانت بیوی کے ہمراہ موٹر سائیکل پر جا رہا تھا کہ اچانک سامنے سے آنے والی موٹر سائیکل کے ساتھ ٹکرا گیا۔ اس خوفناک تصادم کے نتیجے میں امانت، اس کے بیٹے محمد حسین اور مظہر علی موقع پر جانبحق ہو گئے۔ جبکہ امانت کی بیوی سلمہ بی بی شدید زخمی ہو گئیں۔ جسے بلھے شاہ ہسپتال منتقل کر دیا گیا ہے جہاں اس کی حالت تشویشناک ہے۔ پولیس نے موقع پر پہنچ کر واقعے کی تحقیقات شروع کر دی ہیں۔