لاہور (نامہ نگار) چوری و ڈکیتی کی وارداتوں میں شہریوں سے لاکھوں روپے‘ زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے ڈیفنس میں سرفراز کے گھر اہلخانہ کو گن پوائنٹ پر یرغمال بنا کر 5لاکھ 10ہزار روپے‘ زیورات اور دیگر سامان، کاہنہ میں موٹر سائیکل سوار ڈاکوؤں نے اسلم اور اس کی فیملی سے 2لاکھ 81 ہزار روپے‘ زیورات اور موبائل فون، اسلام پورہ میں فواد اور اس کی فیملی سے 2لاکھ 27 ہزار روپے‘ زیورات، ملت پارک میں منور سے 56 ہزار‘ موبائل فون، نواں کوٹ میں فہد سے 42 ہزار‘ موبائل فون، لاری اڈہ میں طلحہ سے 17 ہزار‘ موبائل فون، ملت پارک میں عرفان سے 4 ہزار‘ موبائل فون لوٹ لیا اور فرار ہو گئے۔ چوروں نے فیصل ٹاؤن، جنوبی چھاؤنی اور ہربنس پورہ سے 3 گاڑیاں، مانگا منڈی  سے رکشہ جبکہ رنگ محل، بھاٹی گیٹ، سندر، گارڈن ٹاؤن، گرین ٹاؤن، گلشن اقبال، کاہنہ اور گڑھی شاہو سے9 موٹر سائیکلیں چوری کر لیں اور فرار ہو گئے۔