چیف آف آرمی سٹاف جنرل اشفاق پرویز کیانی نے جنوبی وزیرستان کا دورہ کیا اور افسران اور جوانوں سے ملاقات کی۔ چیف آف آرمی سٹاف نے افسران اور جوانوں سے خطاب کرتے ہوئے کہا کہ فاٹا میں ترقیاتی کاموں کا تسلسل فوجی آپریشنز سے زیادہ اہم ہے۔ ان کا کہنا تھا کہ ترقیاتی کام اور خوش حالی سے ہی علاقے میں دیرپا امن قائم ہوسکتا ہے۔ انہوں نے دہشت گردوں کیخلاف کارروائیوں کو سراہتے ہوئے کہا کہ پاک فوج کو اس میں بڑی کامیابی ملی ہے۔ قربانیوں کو نظرانداز نہیں کیا جاسکتا۔ اس سے قبل ڈیرہ اسماعیل خان پہنچنے پر کورکمانڈر پشاور لیفٹینٹ جنرل خالد ربانی نے ان کا استقبال کیا۔