شکاگو (اے پی پی) امریکی ریاست شکاگو میں مسلح افراد کی فائرنگ سے تین سالہ بچے سمیت 13 افراد زخمی ہوگئے۔ بچے سمیت دیگر دو زخمیوں کی حالت خطرے میں بتائی جاتی ہے۔ مقامی پولیس نے بتایا کہ ناخوشگوار واقعہ شکاگو پارک میں پیش آیا۔ شکاگو پولیس ڈیپارمنٹ کے آفیسر رون گنیز کا کہنا ہے کہ شوٹنگ کا تعلق گینگز سے ہے لیکن تاحال کسی کو گرفتار نہیں کیا گیا۔ انہوں نے کہا کہ زیادہ تر زخمیوں کو ہاتھوں‘ ٹانگوں اور پاﺅں پر گولیاں لگی ہیں۔ جائے وقوعہ سے دس ایمبولینسیں زخمیوں کو ہسپتال لے گئیں۔ پولیس آفیسر نے بتایا کہ ایک 24 سالہ شخص کو دو بار پیٹ میں گولی مار دی گئی جس کی حالت تشویشناک بتائی جاتی ہے۔ امریکہ میں فائرنگ کے واقعات معمول کا حصہ ہیں۔