فلم ”سالا صاحب بن گیا“ کی شوٹنگ کا آغاز عیدالاضحی کے بعد کروں گا:الطاف حسین

لاہور(کلچرل رپورٹر)ہدایت کار الطاف حسین نے کہا ہے کہ اپنی نئی فلم ”سالا صاحب بن گیا“ کی شوٹنگ کا آغاز عیدالاضحی کے بعد کروں گا اور میں اسے منفرد انداز میں بنانا چاہتا ہوں اور کوشش ہے کہ فلم میں نئی ہیروئن کو متعارف کرایا جائے۔ ہدایت کار الطاف حسین نے کہا کہ میں نے مذکورہ فلم کیلئے معمر رانا‘ شفقت چیمہ‘ بہار بیگم‘ غلام محی الدین اور نغمہ بیگم سمیت دیگر فنکاروں کو فائنل کر لیا ہے تاہم ہیروئن کیلئے تلاش جاری ہے اور میں چاہتا ہوں کہ اس کیلئے کسی نئی لڑکی کو موقع دیا جائے تاہم اس حوالے سے آنیوالے دنوں میں حتمی فیصلہ ہو جائے گا۔