ٹی ٹونٹی چیمپئنز لیگ کوالیفائنگ راﺅنڈ: فیصل آباد وولوز نے کندوراتا مارونز کو 10 رنز سے ہرا دیا

چندی گڑھ (سپورٹس ڈیسک) ٹی ٹونٹی چیمپئنز لیگ کے کوالیفائنگ را¶نڈ کے میچ میں فیصل آباد وولوز نے سری لنکن کندوراتا مارونز کو 10 رنز سے شکست دیدی۔ فیصل آباد وولوز نے پہلے کھیلتے ہوئے 6 وکٹوں کے نقصان پر 146 رنز بنائے۔ مصباح الحق نے 60 گیندوں پر 93 رنز ناٹ آ¶ٹ کی اننگز کھیلی۔ کندوراتا مورونز کی ٹیم 7 وکٹوں پر 136 رنز بنا سکی۔ احسان عادل نے 3، عمران خالد نے 2 جبکہ اسد علی نے ایک وکٹ حاصل کی۔ فیصل آباد وولوز کے مصباح الحق کو مین آف دی میچ قرار دیا گیا۔ نیوزی لینڈ کی چیمپئن اوٹاگو نے بھارتی سن رائزرز حیدرآباد کو 5 وکٹوں سے شکست دیدی۔ سن رائزرز حیدرآباد نے 5 وکٹوں پر 143 رنز بنائے۔ ڈومینی نے 57 رنز کی اننگز کھیلی۔ اوٹاگو نے ہدف 5 وکٹوں پر پورا کر لیا۔ کپتان برینڈن میکولم 67 رنز بنا کر ناٹ آ¶ٹ رہے۔ برینڈن میکولم کو میچ کا بہترین کھلاڑی قرار دیا گیا۔ اوٹاگو نے ایونٹ میں مسلسل تیسری کامیابی حاصل کی ۔ سن رائزرز حیدر آباد کو پہلی شکست کا سامنا کرنا پڑا ۔ دونوں ٹیمیں مین راﺅنڈ کیلئے کوالیفائی کر چکی ہیں ۔