”آزاد گروپ نے صنعت و تجارت کے فروغ کیلئے ہمیشہ کردار ادا کیا“

لاہور (کامرس رپورٹر) لاہور چیمبرآزاد گروپ کے راہنما ﺅںڈاکٹر احسن وارث، راجہ حسن اختر،میا ں عمران اصغر،میاں شبیر احمداور محمد یٰسین،ادریس تبسم، محمد عاصم بٹ،سید سلمان علی،اور میاں نواز نے انارکلی بازار،بانو بازار، اردو بازار، گنپت روڈ میں مختلف مارکیٹوں کا دورہ کیااور تاجروں سے انفرادی ملاقاتیں کیں ۔ اردو بازار اور انارکلی کے تاجر راہنماوں عتیق،حاجی نعیم، حاجی ندیم کاشف ادریس،احسان،شبیر،متین،میاں صغیر،مجاہد،نعیم ڈوگر،خالد محمود، اسرار اور دیگر تاجروں نے آزاد گروپ کو حمایت کا یقین دلایا۔ انہوں نے کہا کہ لاہور چیمبر کی کارکردگی صفر ہے۔ ممبران کا استحصال ہورہا ہے ایک تاجر مافیادھونس دھاندلی سے اقتدار اور الیکشن کو ہائی جیک کرلیتاہے۔ لاہور چیمبر آف کا مرس اینڈ انڈسٹری میں آزاد گروپ تازہ ہواکا ایک جھونکا ہے آزاد گروپ نے پاکستان کی تجارت اور صنعت کے فروغ میںہمیشہ بڑھ چڑھ کر اپنا کردار احسن طریقے سے ادا کیا۔