لاہور (سپورٹس رپورٹر) رضا علی اور سعد عامر نے پہلی پنجاب انڈر 14‘ 12 بیڈمنٹن چیمپئن شپ جیت لی ہے۔ نیو خان بیڈمنٹن ہال میں منعقد ہونے والی دو روزہ چیمپئن شپ کے انڈر 14 کا فائنل لاہور کے رضا علی اور ساہیوال کے عبداللہ شفیع کے درمیان کھیلا گیا جس میں رضا علی نے 21-17 اور 21-18 سے کامیابی اپنے نام کی۔ انڈر 12 کا فائنل لاہور کے سعد عامر اور حافظ آباد کے حمزہ فیاض کے درمیان کھیلا گیا جس میں لاہور کے سعد عامر نے 21-12 اور 21-10 سے کامیابی اپنے نام کی۔ چیمپئن شپ کی اختتامی تقریب کے مہمان خصوصی ڈی جی ایکسائز اینڈ ٹیکسیشن لاہور مسعود الحق تھے جبکہ اس موقع پر پاکستان بیڈمنٹن فیڈریشن کے سیکرٹری واجد علی چودھری‘ لیاقت علی سینئر کوچ‘ طیب سہیل سیکرٹری اور خواجہ اختر عباس خزانچی پنجاب بیڈمنٹن ایسوسی ایشن بھی موجود تھے۔