لاہور(سپورٹس رپورٹر+نوائے وقت رپورٹ) پاکستان نے ڈیوس کپ ٹائی ایشیا اوشیانا گروپ ٹو فائنل میں کامیابی حاصل کرکے 10 سال بعد گروپ ون میں جگہ بنالی۔ترکی کے شہر ازمیر میں کھیلے گئے ڈیوس کپ ٹائی گروپ ٹو کے فائنل میں پاکستان اور چائینیز تائی پے کے درمیان مقابلہ تھا۔ریورس سنگلز کے پہلے میچ میں عقیل خان کو شوئی فووینگ کے ہاتھوں شکست کا سامنا کرنا پڑا۔پانچویں اور فیصلہ کن مقابلہ میں قومی ٹینس سپرسٹار اعصام الحق نے جوئی چین ہنگ کو شکست دے کر پاکستان کو ڈیوس کپ ٹائی جتوا دی۔ چائینیز تائیپے کیخلاف پاکستان کی فتح کا سکور 2-3 رہا۔