کراچی (کرائم رپورٹر)کراچی کے مختلف علاقوں میں منگل کو فائرنگ کے واقعات میں 2 پولیس اہلکار ہلاک اور 3 افراد زخمی ہوگئے جبکہ گزشتہ روز فائرنگ سے زخمی ہونے والے مدرسے کے طالبعلم سمیت دو افراد نے دوران علاج دم توڑ دیا سی ٹی ڈی پولیس کے اہلکار 40سالہ شہاب حیدر ولد مصطفی رضوی کو منگل کی صبح جمشید کوارٹر کے علاقے میں نوری شاہ مزار کے نزدیک اس وقت نشانہ بنایا گیا۔جب وہ ڈیوٹی کے بعد انچولی میں واقع اپنے گھر جارہا تھا اس پر موٹرسائیکل سوار مسلح افراد نے فائرنگ کی جس کے نتیجے میں وہ شدید زخمی ہوا اور بعدازاں اسپتال میں چل بسا۔ کورنگی میں منگل کو رات گئے مسلح افراد نے فائرنگ کر کے پولیس اہلکار یوسف کو قتل کر دیا۔ مقتول کورنگی تھانے میں تعینات تھا۔ ادھر لانڈھی میں داﺅدچورنگی کے قریب مسلح افراد کی فائرنگ سے ایک شخص 35سالہ رحمت ولد اللہ دتہ زخمی ہوگیا بلال کالونی میں بھی مسلح افراد کی فائرنگ سے ایک شخص مجید زخمی ہوا جبکہ نیو کراچی میں ایک نوجوان 20سالہ طاہر ولد احمد علی کو فائرنگ کرکے زخمی کردیا گیا دریں اثناءنارتھ ناظم آباد میں کٹی پہاڑی کے نزدیک کچی آبادی میں نامعلوم افراد کی فائرنگ سے زخمی ہونے والے مدرسے کے طالبعلم زاہد نے اسپتال میں دم توڑ دیا جبکہ نیوکراچی میں بھی پیر کو فائرنگ سے زخمی ہونے والا نوجوان 26سالہ محسن اسپتال میں چل بسا۔
کراچی فائرنگ