ویسٹ انڈین آل راﺅنڈر بریتھ ویٹ کا بولنگ ایکشن کلیئر قرار

دبئی (آئی این پی)انٹر نیشنل کر کٹ کونسل ( آئی سی سی )نے ویسٹ انڈین آل رانڈر کریگ بریتھ ویٹ کا بولنگ ایکشن کلیئر قرار دیدیا۔انٹرنیشنل کرکٹ کونسل نے تصدیق کی ہے کہ کرکٹر کے بولنگ ایکشن کا 31 اگست کو انگلینڈ میں تجزیہ کیا گیا جس کے مطابق ان کی تمام ڈلیوریز کے دوران کہنی کا خم 15 ڈگری کے اندر ہے اور انہیں اب بولنگ کروانے کی اجازت ہو گی۔واضح رہے کہ بریتھ ویٹ پارٹ ٹائم آف سپن بولنگ کرتے ہیں، گزشتہ ماہ ایجبسٹن میں انگلینڈ اور ویسٹ انڈیز کے مابین پہلے ٹیسٹ میچ کے دوران ان کا ایکشن مشکوک قرار دیا گیا تھا۔