ڈولفن سکواڈ و ماسٹر ٹرینرز کیلئے بیسک فرسٹ ایڈ ٹریننگ پروگرام کا آغاز کر دیا گیا

لاہور(نمائندہ خصوصی) ڈپٹی انسپکٹر جنرل پولیس آپریشنز لاہور اشفاق احمد خان کی خصوصی ہدایت پر ڈولفن سکواڈ و ماسٹر ٹرینرز کو بیسک فرسٹ ایڈ ٹریننگ پروگرام کا آغاز کر دیا گیا ہے اس ضمن میں والٹن ہیڈ کوارٹر ز میں دو روزہ ورکشاپ کا انعقاد کیا جا چکا ہے تفصیلات کے مطابق والٹن دولفن ہیڈ کوارٹر میں ایس پی ڈولفن بلال ظفر کی زیر نگرانی ورکشاپ کا آغاز کر دیا گیاہے۔ ورکشاپ میں ڈولفن سکواڈ و ماسٹر ٹرینرز کو ابتدائی طبی امداد کے اصولوں سے روشناس کروایا جائے گا جس میں اہلکاروں کو پری ہاسپٹل ٹریننگ کے میکینزم بارے تفصیلا آگاہی فراہم کی جا رہی ہے۔