پاکستان کرکٹ بورڈ کا نتھیا گلی میں 2 روزہ اجلاس ختم

لاہور(نمائندہ سپورٹس +سپورٹس رپورٹر)بورڈ چیئرمین احسان مانی کی صدارت میں نتھیا گلی میں جاری پی سی بی کا 2 روزہ اجلاس ختم ہوگیا۔یہ ایک انٹرنل اجلاس تھا جس میں سب نے کارکردگی رپورٹ پیش کی اور مستقبل کے لائحہ عمل پر اپنا نقطہ نظر بیان کیا۔ اجلاس میں زمبابوے کیخلاف سیریز، ڈومیسٹک کرکٹ اور دوسرے اہم امور پر غور کرنے کیساتھ بعض اہم سفارشات پر اتفاق کرنے کے بعد گورننگ بورڈ کے شرکا کو بھی اعتماد میں لینے کا فیصلہ کیا گیا جبکہ کوڈ آف ایتھکس کو لاگو کرنے پر بھی زور دیا گیا۔احسان مانی کی صدارت میں ہونیوالے اجلاس میں بورڈ کے تمام شعبوں کے ہیڈز نے شرکت کی۔