دیربالا  (نوائے وقت رپورٹ) ہراول میں جرگے کے دوران فائرنگ سے 9 افراد جاں بحق جبکہ 16 زخمی ہو گئے۔ ذرائع کے مطابق دیربالا کے علاقے ہراول میں گائوچم کے مقام پر سڑک کی تعمیر کے تنازع کے حل کیلئے فریقین کے درمیان جرگہ جاری تھا کہ اس دوران جھگڑا ہو گیا۔ دونوں فریقین نے ایک دوسرے پر فائرنگ کر دی۔ لاشوں اور زخمیوں کو فوری طورپر ڈی ایچ کیو دیر منتقل کر دیا گیا جہاں عملے نے 9 افراد کی ہلاکت کی تصدیق کی ہے۔ ہسپتال انتظامیہ کا کہنا ہے کہ 16 زخمیوں کو طبی امداد دی جا رہی ہے جن میں 5 کی حالت تشویشناک ہے۔