دوحہ(پی پی آئی ) قطر میں جاری ورلڈ6ریڈ اسنوکر چیمپئن شپ میں پاکستان کے حارث طاہر اور بابر مسیح کوارٹر فائنل میں پہنچ گئے۔ دوحہ میں جاری آئی بی ایس ایف ورلڈ6ریڈ ٹورنامنٹ کے پری کوارٹر فائنل میں حارث طاہر نے متحدہ عرب امارات کے خالد کمالی کو ہرایا جبکہ بابر مسیح نے رائونڈ آف 16میں بیلجیم کے کیون ہینسنز کو شکست دی۔ورلڈ 6ریڈ اسنوکر چیمپئن شپ کا کوارٹر فائنل شام ہو گا ،جس میں کوارٹر فائنل میں پاکستان کے بابر مسیح اور حارث طاہر ایک دوسرے کیخلاف مدمقابل ہوں گے۔یاد رہے کہ گزشتہ روز بابر مسیح گروپ اسٹیج میں بہترین فریم اسکور کی بنیاد پر براہ راست رائونڈ آف 16میں پہنچے تھے جبکہ حارث طاہر نے رائونڈ آف 32میں ہانگ کانگ کے کھلاڑی کو شکست دی تھی۔