تیسرا سی این ایس آل پاکستان ہاکی ٹورنامنٹ آج  سے کراچی میں کھیلا جائے گا

کراچی(اسپورٹس رپورٹر)تیسرا چیف آف دی نیول اسٹاف آل پاکستان ہاکی ٹورنامنٹ 21 سے 28 ستمبر 2021 تک عبدالستار ایدھی انٹرنیشنل ہاکی اسٹیڈیم کراچی میں کھیلا جا رہا ہے۔ اس بات کا اعلان اوپننگ میڈیا بریف کے دوران پیٹرن پاک بحریہ ہاکی کموڈور کاشف منیر نے کیا۔چیمپئین شپ کا پہلا ایڈیشن 2016 میں متعارف کروایاگیا۔ ٹورنامنٹ کا دوسرا ایڈیشن 2018 میں لاہور میں منعقد ہوا۔  جبکہ دوسرے ایڈیشن کا ٹورنامنٹ 2016 میں لاہور میں کھیلا گیا۔ تب سے یہ قومی ہاکی سرکٹ کا باقاعدہ اور اہم ایونٹ بن چکا ہے۔ ٹورنامنٹ کا ہر دو سال بعد انعقاد بھی ملک کے قومی کھیل کے فروغ کے لیے پاک بحریہ کے عزم کا مظہر ہے۔