پاپام اور میکسیکن آٹو پارٹس انا کے مابین معاہدہ

کراچی(کامرس رپورٹر)پاکستانی آٹو پارٹس مینو فیکچررز نے آٹو پارٹس کی تیاری،اعلیٰ معیارات ،وفود کے تبادلوں اور ٹیکنالوجی منتقلی کے شعبوں میںباہمی تعاون کیلئے میکسیکو کے آٹو پارٹس مینو فیکچررز کے ساتھ باہمی مفاہمت کے معاہدے پر دستخط کئے ہیں۔پاکستان ایسوسی ایشن آف آٹو موٹیو پارٹس اینڈ ایسیسریز (پاپام) اور میکسیکن آٹو پارٹس ایسوسی ایشن (انا)کے درمیان طے پانے والے معاہدے کے مطابق دونوں ممالک کے آٹو پارٹس مینو فیکچررز ایک دوسرے سے آٹو پارٹس تیار کرنے والی کمپنیوںسے متعلق معلومات کا تبادلہ کرینگے اور آٹو پارٹس کے اعلیٰ معیار اور ٹیکنالوجی کے شعبے میںایک دوسرے سے تعاون کرینگے ۔پاکستان کی جانب سے پاپام کے سابق چیئرمین مشہود علی خان نے معاہدے پر دستخط کئے جبکہ اس موقع پر میکسیکو میںپاکستان کی ٹریڈ و انوسٹمنٹ قونصلر شبانہ عزیز بھی موجود تھیں،اس موقع پر مشہود علی خان کا کہنا تھا کہ پاکستان کے آٹو پارٹس مینو فیکچررز کو دنیا کی بڑی مارکیٹیوںمیںرسائی کیلئے آٹو پارٹس کے معیار کو بلند کرنا ہوگا اور اس ضمن میں دنیا کے معروف آٹو پارٹس مینو فیکچررز کے ساتھ باہمی تعاون کو فروغ دینا ہوگا،انہوںنے امید ظاہر کی کہ دنیا میں آٹو سیکٹر کے شعبے میںنمایاں ممالک کی دیگر ایسوسی ایشنز کے ساتھ بھی مستقبل میںایسے مزید معاہدے کئے جائینگے تا کہ پاکستانی آٹو مینو فیکچررز کو جدید ٹیکنالوجی سے روشناس کرایا جاسکے۔