بری نیت سے ٹیم کیلئے بات کرنے والوں کو اللہ ذلیل کرےگا: محمد رضوان

لاہور(سپورٹس رپورٹر)پاکستان کرکٹ ٹیم کے وکٹ کیپر بیٹر محمد رضوان نے کہا ہے کہ بری نیت کےساتھ ٹیم کےلئے بات کرنے والوں کو اللہ ذلیل کرےگا۔سب کو پتہ ہے تبدیلیاں کرتے ہیں تو غلطی تو ہوگی۔ ورلڈکپ کیلئے کامبی نیشن بنانے کی کوشش کر رہے ہیں۔ اگر آف سٹمپ کی گیند کو لیگ سٹمپ پر مار سکتا ہوں تو کوئی مسئلہ نہیں، آف سٹمپ پر کھیلنے کی ضرورت نہیں۔ جو لوگ میرے آف سٹمپ کی بات کر رہے ہیں، اللہ انہیں جزائے خیر دے۔میں تو فٹ ہوں دو تین دوڑیں اب بھی لگا لوں گا۔ ڈاٹ بال زیادہ کھیل رہے ہیں، اس مسئلے پر کام کر رہے ہیں، میرے اور کپتان کے سٹرائیک ریٹ پر جو لوگ بات کر رہے رہیں اللہ انہیں جزائے خیر دے۔ لیگ سپنر عثمان قادر نے کہا کہ پ±رامید ہوں کہ کم بیک کرینگے۔سکور اچھا تھا، ہمیں اس کا دفاع کرنا چاہیے تھا۔ پلان کے مطابق باﺅلنگ نہیں کرسکے، انگلینڈ نے کافی زبرست کھیلا۔ غلطیوں سے سیکھ کر اگلے میچ میں اچھا کریں گے۔