وہاڑی(نامہ نگار/ کرائم رپورٹر/ سٹی رپورٹر) ڈپٹی کمشنر صفدر حسین ورک نے گرائمر سیکنڈری سکول وہاڑی کا وزٹ کیا ڈپٹی کمشنر نے مختلف کلاسز میں جا کر طلباءکی تعلیمی استعداد کار کو چیک کیا اور سکول میں صفائی ستھرائی کی صورتحال کا جائزہ لیا ڈپٹی کمشنر صفدر حسین ورک نے سکول میں ضروری تعمیر و مرمت کروانے کی ہدایت بھی کی۔اور سکول میں ڈینگی سے بچاو¿ کی احتیاطی تدابیر کو اختیار کرنے کا حکم دیا۔ڈپٹی کمشنر صفدر حسین ورک نے اس موقع پر کہا کہ اساتذہ قوم کے معمار ہیں اساتذہ بچوں کی بہترین تعلیم و تربیت کریں طلباءکی کونسلنگ پر خصوصی توجہ دی جائے۔بعدازاں ڈپٹی کمشنر نے ڈپٹی سیکرٹری پرائمری اینڈ سیکنڈری ہیلتھ ساو¿تھ پنجاب سجاد حسنین کے ہمراہ دیہی مرکز صحت 222 ای بی کا وزٹ کیا۔ڈپٹی کمشنر اور ڈپٹی سیکرٹری نے دیہی مرکز صحت میں طبی سہولیات کی فراہمی، صفائی ستھرائی،ڈاکٹرز اور سٹاف کی حاضری کو چیک کیا اور عوام کو بہترین علاج معالجہ کی فراہمی کی ہدایت کی۔انہوں نے مریضوں اور لواحقین سے بھی ملاقات کی۔