پاکستان کی پہلی ویمنز نیزہ بازی ٹیم انٹرنیشنل چیمپئن شپ کیلئے اردن روانہ

لاہور(سپورٹس رپورٹر)پاکستان کی پہلی خواتین کی نیزہ بازی ٹیم انٹرنیشنل چیمپئن شپ کیلئے اردن روانہ ہوگئی۔یہ ٹیم بین الاقوامی ٹینٹ پیگنگ چیمپئن شپ میں شرکت کرے گی۔نیزہ بازی کے یہ مقابلے 22 سے 24 ستمبر تک اردن کے شہر پیڑا میں ہونگے۔ٹیم کوچ ہارون نے بتایا کہ قومی ٹیم کی سلیکشن اوپن ٹرائلز کے ذریعے ہوئی ہے۔ٹیم کا انتخاب کرنے کیلئے ایکوسٹرین فیڈریشن آف پاکستان کے زیر اہتمام اوپن ٹرائلز کروائے گئے۔ پاکستانی خواتین کی ٹینٹ پیگنگ ٹیم کا یہ پہلا بڑا ایونٹ ہے جبکہ اس سے قبل ٹیم جنوبی افریقہ کا تربیتی دورہ کر چکی ہے۔