گوجرانوالہ (نمائندہ خصوصی )چیمبر  الیکشن کے دوسرے اور آخری مرحلہ میں آج ایسوسی ایٹ کلاس کی سات سیٹوں پر ون یونٹی گروپ اور فائونڈرز اتحاد گولڈن احساس گروپ کے درمیان کانٹے دار مقابلہ ہو گا ، چیمبر کے سیاسی اکھاڑے میں ون یونٹی گروپ نے اپنے نامزد امیدواران ملک محمد امین ناز ،شیخ جواد شاہد، افتخار احمد گوگا ،شہزاد اسلم انصاری ، حاجی غفور احمد ، عثمان یوسف اور ابوبکر بٹ جبکہ فائونڈرز اتحاد گولڈن احساس گروپ نے عطاء فرید چوہدری ، ظفر اقبال ڈار ، قمر دلبر ،رانا محمد اسلم ، خواجہ عمر ، فرحان سعید بھٹی اور جواد بٹ کو اتارا ہوا ہے ، ایسوسی ایٹ کلاس کی سیٹیں جیتنے کیلئے دونوں گروپس کی جانب سے ووٹ حاصل کرنے کیلئے لذیز کھانوں کی دعوتوں کے ساتھ ساتھ ووٹرز کی ’’ترلہ مہم ‘‘ تیز کردی گئی ۔ انتخابی مہم کے دوران ون یونٹی اور فائونڈرز اتحاد گروپس نے بلند وبانک دعوے کر رکھے ہیں اسی وجہ سے وہ ووٹرز سے ووٹ حاصل کرنے کی خاطر مسلسل انکے ساتھ رابطے میں ہیں ،ون یونٹی گروپ کے نامزد صدر کے امیدوار ملک محمد امین ناز اور فائونڈرز اتحاد کے صدر کے امیدوار عطاء فرید چوہدری اپنے اپنے گروپس کو فیورٹ قرار دے رہے ہیں ۔