ایڈیشنل ڈپٹی کمشنر ریونیو قصور کا فیروزپور گرین بیلٹ کادورہ

قصور (نمائندہ نوائے وقت)ڈپٹی کمشنر قصور فیاض احمد موہل کی ہدایات پر ایڈیشنل ڈپٹی کمشنر ریونیو ماہم آصف ملک نے گزشتہ روز فیروزپور گرین بیلٹ کا دورہ کیا، دورے کے دوران انہوں نے گرین بیلٹ کی صفائی ستھرائی، خوبصورتی اور دیگر انتظامات کو چیک کیا۔ اس موقع پر ایڈیشنل ڈپٹی کمشنر نے چیف افسر میونسپل کار پوریشن کو ہدایت کی کہ فیروز پور روڈ گرین بیلٹ کی صفائی ستھرائی کو یقینی بنایا جائے اور گرین بیلٹ کی خوبصورتی میں اضافے کے لیے مزید پودے لگائے جائیں۔ اس سلسلے میں کسی بھی قسم کی سستی کو ہرگز برداشت نہیں کیا جائیگا۔