کراچی (اسپورٹس رپورٹر)کراچی ٹیپ بال پریمئر کرکٹ لیگ سیزن ٹو میں کلفٹن غازیز مسلسل پانچواں میچ جیت کر سیمی فائنل میں پہنچ گئی،گلشن گوہر کو ٹاپ فور میں یقینی جگہ بنانے کے لئے ایک کامیابی درکار ہے،نارتھ نوابز نے لیاری لیجنڈز کو شکست دے کر فائنل فور کی امیدوں کو روشن کر لیا۔اصغر علی شاہ اسٹیڈیم پر جاری بدر ایکسپو کے ٹی پی ایل سیزن ٹو کے سنسنی خیز میچوں کا سلسلہ جاری ہے،ایونٹ کے گیارھویں روز مزید دو میچوں کا فیصلہ ہوا۔پہلے میچ میں کلفٹن غازیز نے ملیر ملنگز کو 39رنز سے شکست دے کر ایونٹ میں مسلسل پانچویں فتح حاصل کی۔طلحہ آفریدی 23رنز کے ساتھ نمایاں رہے،جلات خان اور حنیف آفریدی نے دو دو کھلاڑیوں کو آو¿ٹ کیا۔جلات خان کو مین آف دی میچ قرار دیا گیا۔دوسرے میچ میں نارتھ نوابز نے لیاری لیجنڈز کو 8وکٹوں سے شکست دے کر اہم میچ جیت کر سیمی فائنل کی امیدوں کو روشن رکھا۔لیاری لیجنڈز نے پہلی اننگز میں 84رنز بنائے جواب میں نارتھ نوابز نے یحییٰ خان کے 28رنز کی بدولت 81رنز اسکور کر لئے۔تین رنز کی برتری لینے کے بعد لیاری لیجنڈز نے دوسری اننگز میں 69رنز بناکر 72رنز کی مجموعی سبقت لی۔اشرف پٹھان23رنز اسکور کر پائے۔ نارتھ نوابز نے 73رنز کا ہدف 4.1اوورز میں ہی پورا کر لیا۔
کے ٹی پی ایلII