میلسی، احمد پور سیال، روہیلانوالی (تحصیل رپورٹر، نمائندہ نوائے وقت،خبر نگار) ٹریفک حادثات، 2 نوجوان جاں بحق،7  افراد زخمی میلسی سے تحصیل رپورٹر کے مطابق  میلسی کا ایک نوجوان محمد اعظم موٹر سائیکل پر سوار ہوکر میلسی سے اپنی ہمشیرہ کے گھر چشتیاں جارہا تھا راستے میں لوڈر ٹرالی میں لوڈ لکڑی کی مڈھی سے ٹکرا گیا لکڑی کی مڈھی اس کے سینے میں پیوست ہو گئی جو دم توڑ گیا۔ احمد پور سیالسے نمائندہ نوائے وقت کے مطابق چک نمبر 26 ڈبلیو بی ضلع وہاڑی کا رہائشی نوجوان محمد عرفان احمد پور سیال میں واقع دربار عالیہ حضرت مخدوم نورنگ جہانیاں جہاں گشت بخاری  کی زیارت کے بعدسے والدہ،بیٹے شان،اپنی بہن، شیر خوار بھانجے اور ایک رشتہ دار کے ہمراہ واپس گھر جارہا تھا کہ خوشاب ، مظفرگڑھ روڈ مین روڈ سروانی بنگلہ نزد ٹھہڑی ا ڈالہ کی ٹکر سے حادثہ کے نتیجہ میں جاں بحق ہوگیا ۔4افراد زخمی ہوئے جنہیں طبی امداد کے لیے ہسپتال ریفر کردیا گیا۔ متوفی اپنی بوڑھی ماں کا اکلوتا سہارا اورگھر کا واحد کفیل تھا۔روہیلانوالی سے خبرنگار کے مطابق روہیلانوالی کے قریب پولیس وین اورٹرالر میں تصادم کے نتیجے میں 3 پولیس اہلکار زخمی ہو گئے۔ ریسکیو نے ابتدائی طبی امداد فراہم کی۔ جس کے بعد  پولیس اہلکاروں نے ہسپتال شفٹ ہونے انکار کر دیا۔