شیخوپورہ(نمائندہ نوائے وقت+ نمائندہ خصوصی)پریس کلب سپورٹس گالا میں کھیلے جانے والے میچ میں یونائٹیڈ کلب نے سلطان کلب کو شکست دیدی میچ کے مہمان خصوصی پی ٹی آئی کے مرکزی رہنما جمشید دستی ایم این اے نے فاتح ٹیم کے کھلاڑیوں میں انعامات تقسیم کئے جبکہ سینئر نائب صدر پریس کلب شیخوپورہ عظیم علی شیخ نے مین آف دی میچ کا ایوارڈ حاصل کرنے پر میاں عاقب کو 20 ہزار روپے انعام دیا، اس موقع پرپی ٹی آئی کے سٹی صدر میاں افضال حیدر، صدر پریس کلب رانا عثمان، جنرل سیکرٹری صفدر علی شاہین، کپتان مبشر حسن بٹ کوچ عبدالحمید بھٹی،حاجی سلطان حمید راہی، عظیم علی شیخ ، شیخ امتیاز احمد،شیخ ثناء اللہ، امجد علی سلطانی، عمران امین، ثمر اقبال، مجاہد شامی، حنیف تبسم، محمد عالم، ملک عمران، میاں شفیق، محمد احمد و دیگر کھلاڑی موجود تھے، میڈیا سے گفتگو کرتے مہمان خصوصی جمشید دستی نے کہا کہ کھیلوں کے میدان آباد کرنا معاشرے میں مثبت و تعمیری رجحانات کو فروغ دینے کا ذریعہ بنتا ہے ۔ہم سپورٹس سرگرمیوں کے فروغ کیلئے پریس کلب شیخوپورہ سے بھرپور تعاون شامل حال رکھیں گے۔انہوں نے کہا ہے کہ یہ وقت سیاست کا نہیں ریاست اور جمہوریت بچانے کا وقت ہے ۔ علاوہ ازیں جمشید دستی نے بزرگ صحافی عبدالرشید ندیم مرحوم کے گھر انکے بہنوئی کی وفات پر فاتحہ خوانی بھی کی۔