لاہور(سپورٹس رپورٹر)افغانستا ن جنوبی افریقہ کو دوسرے ون ڈے میچ میں شکست دیکر سیریز جیت لی ‘افغان ٹیم کی پروٹیز کیخلاف سیریزمیں پہلی کامیابی ہے ۔ شارجہ میں کھیلے گئے میچ میں افغان ٹیم نے 4وکٹوںپر 311رنز بنائے ۔ رحمٰن اللہ گرباز 105‘رحمت شاہ 50اور عظمت اللہ عمر زئی 86رنز بناکر نمایاں رہے ۔ جنوبی افریقہ کی ٹیم134رنز پر پویلین لوٹ گئی ۔ راشد خان نے پانچ ‘ننگیالیا خروٹے نے چار کھلاڑیوں کو آئوٹ کیا ۔ راشد خان کو میچ کا بہترین کھلاڑی قرار دیا گیا ۔ سیریز کا تیسرا میچ کل کھیلا جائیگا۔