چیمپئنز ون ڈے کپ ‘لائنز نے مارخورز کو35رنز سے ہرادیا 

لاہور(سپورٹس رپورٹر)فیصل آباد میں جاری چیمپئنز ون ڈے کپ کے آٹھویں میچ میں لائنز نے مارخورز کو35رنز سے ہرا دیا ۔شاہین آفریدی کی لائنز نے ٹاس جیت کر 6وکٹوںپر 367رنز بنائے ۔ عرفان خان 100 رنز بنا کر ٹاپ سکورر رہے۔خوشدل شاہ نے 73 اور عبداللہ شفیق نے 52 رنز بنائے، امام الحق نے 51 اور محمد طہٰ نے 31 رنز بنائے۔ زاہد محمود نے دو وکٹیں حاصل کیں۔محمد رضوان کی مارخور  ٹیم 9وکٹوں پر 332رنز بناسکی ۔فخر زمان 82‘عبد الصمد42‘سلمان علی آغا69رنز بناکر نمایاں رہے ۔ شاہین آفریدی ‘عامر یامین ‘احمد دانیال اور خوشدل شاہ نے دو دو کھلاڑیوں کوآئوٹ کیا ۔ عرفان خان کو میچ کا بہترین کھلاڑی قرار دیا گیا ۔ آج پینتھرز اور سٹالینز کے درمیان مقابلہ ہوگا۔