لاہور ( سٹاف رپورٹر) لاہور سمیت صوبہ بھر میں پولیس ٹیموں نے گزشتہ روز 344 سرچ اینڈ سویپ آپریشنز کئے گئے۔ 10463 مشکوک افراد سے پوچھ گچھ، 95 مشتبہ افراد کو حراست میں لیا گیا۔سنگین جرائم میں مطلوب 628 اشتہاری مجرم، عدالتی مفرور اور عادی مجرم گرفتار کئے گئے۔ ترجمان پنجاب پولیس نے بتایا کہ لاہور سمیت مختلف مقامات سے سنگین وارداتوں میں ملوث 11 گینگز کے 27 کارندے گرفتار ہوئے،50 لاکھ روپے مالیت کا مال مسروقہ برآمد کیا گیا، منشیات فروشوں کے خلاف لاہور سمیت پنجاب بھر میں منشیات فروشوں کے ٹھکانوں پر 263 ریڈز کئے گئے، 133 منشیات فروش گرفتارہوئے جن کے خلاف فوری مقدمات درج کئے گئے جبکہ74 کلو گرام چرس، 03 کلو گرام ہیروئن،  02 کلو 300 گرام آئس اور 1686 لٹر شراب برآمد کی گئی۔