نوشہرہ ورکاں(نامہ نگار+نوائے وقت )گیپکو اہلکاروں کے لیے سیفٹی سیمینار،اہلکاروں کو حفاظتی تدابیر کی آگاہی،بتایاگیا ہے کہ نوشہرہ ورکاں ڈویژن میں گیپکو اہلکاروں کی آگاہی کے لیے سیفٹی سیمینار کا اہتمام کیا گیا جس میں سیفٹی ڈائریکٹر گوجرانوالہ چوہدری  اکبر ،ڈپٹی ڈائریکٹر ٹیکنیکل گوجرانوالہ زین العابدین نے لائن مین سٹاف کو کام کے دوران حفاظتی تدابیر ہر صورت اختیار کرنے بارے خصوصی لیکچر دئیے ۔ایکسین ،ایس ڈی اوز ، بھی اس موقع پر موجودتھے۔دوران  خطاب انہوں نے کہا کہ انسانی زندگی انمول ہے ڈیوٹی کے دوران حفاظتی تدابیر اختیار کیے بغیر کام کرنے سے کوئی بھی حادثہ رونما ہو سکتا ہے تمام گیپکو ملازمین کو حفاظتی آلات اور تدابیر کے ساتھ کام کرنا چاہیے تاکہ انکی زندگیاں محفوظ رہیں لائن مین چاند بٹ نے افسران کو سیفٹی کے لیے ضروری آلات کی کمی سے بھی آگاہ کھا سیفٹی سیمینار میں یونین کے ذمہ داران بھی شریک تھے۔